Personi në foto është Armando Ogranaja, një nga viktimat e atentatit mafioz në Greqi. 44-vjeçari u qëllua me dy plumba, një në kraharor dhe një në stomak, teksa qëndronte i ulur në tavolinën e një lokali së bashku me viktimën tjetër Kreshnik Çerçizi.
Ai u dërgua në spital por nuk i mbijetoi dot plagëve të marra. 44-vjeçari rezulton me precedentë penalë për armëmbajtje pa leje dhe për lojërat e fatit.
Ndërsa Kreshnik Çerçizi u qëllua me dy plumba në kokë dhe humbi jetën në vendngjarje. E plagosur nga atentati mafioz ishte dhe një vajzë greke, e cila qëndronte e ulur në një tavolinë ngjitur me viktimat.
Ndërsa një klient tjetër u dëmtua pasi u rrëzua në përpjekje për tu larguar nga frika pas të shtënave me armë.
Atentatori hyri brenda lokalit mbrëmjen e së dielës (18 dhjetor) i veshur me të zeza dhe fytyrën mbuluar me maskë kirurgjikale. Ai nxori pistoletën nga xhepi dhe qëlloi gjakftohtësish dy shqiptarët, pa i interesuar se lokali ishte i mbushur me klientë.
Pas vrau dy shqiptarët, atentatori u largua në këmbë nga vendngjarja ndërsa mësohet se u ndihmua nga një bashkëpunëtor që qëndronte jashtë lokalit./ Panorama.al